အဆိုပါသင်တန်းကို အာရှလယ်သမားအစည်းအရုံး AFA၊ မြန်မာနိုင်ငံတောင်သူလယ်သမားနှင့်စိုက်ပျိူးရေးအလုပ်သမားသမဂ္ဂများအဖွဲ့ချူပ် CTUM-AFFM၊ အပြည်ပြည်ဆိုင်ရာလယ်ယာစိုက်ပျိူးရေးကဏ္ဍဖွံ့ဖြိုးတိုးတက်ရေး ရန်ပုံငွေ IFADတို့မှ ပူးပေါင်းဆောင်ရွက်ကာ၂၀၁၇ခုနှစ် သြဂုတ်လ ၂၅ရက်မှ၂၇ရက်အထိ ပြုလုပ်ကျင်းပလျက်ရှိသည်။
ယနေ့ ပထမရက်တွင် Mr.Hector Diaz Soliman, Key Expert for Court Administration and Financial Management, Governance in Justice Project of the European Union သည် အပြည်ပြည်ဆိုင်ရာရှိ လယ်ယာဆိုင်ရာဥပဒေများ၊ စံနူန်းများကို ရှင်းလင်းတင်ပြခဲ့သည်။
ထိုနောက် ဦးဖိုးဖြူ (ရှေ့နေ) U Phoe Phyu & Associates Ltd. Legal Consultancyသည် လယ်ယာမြေ မူဝါဒများ၊ အခွင့်အရေးများ၊ ယန္တရားများနှင့် ဥပဒေများကို ပြင်ဆင်ခြင်း၊ ဖြည့်စွက်ခြင်း၊ဖျက်သိမ်းခြင်းဆိုင်ရာ လုပ်ထုံးလုပ်နည်းများ၊ သီအိုရီများကို ဦးဆောင် ဆွေးနွေးခဲ့ပါသည်။
သင်တန်းအဖွင့်အမှာစကားကို ဦးသန်းဆွေ ဥက္ကဋ္ဌ AFFM၊ ဦးသန်းလွင် အထွေထွေအတွင်းရေးမှူး CTUMတို့မှ ပြောကြားခဲ့သည်။
တိုင်းဒေသကြီးနှင့်ပြည်နယ်စုစုပေါင်း ၁၁ခုမှ AFFM အဖွဲ့ဝင်များ၊ ဥပဒေကျွမ်းကျင်ပညာရှင်များ စုစုပေါင်း ၅၉ဦး တက်ရောက်ခဲ့သည်။